Viral Instagram Bride Case: Neha Jhinjri Ki Dardnak Kahani | Dahej Hinsa aur Sachchai

Yeh chehra aapne recently bahut saari Instagram reels mein dekha hoga. Yeh bahut hi sunder aur innocent si dikhne wali Neha Jhinjri thi, jo apni shaadi ko leke bahut hi zyada excited thi. Ek nayi family mein jaana, ek rajkumar jaisa pati – yeh hi woh bachpan se chahti thi. Yeh uska sabse bada dream tha.

Lekin Neha jaanti nahi thi ki jahan woh jaa rahi thi, woh ghar ek sapna nahi, sirf aur sirf narak hai. Aur iss narak mein woh 5 mahine bhi zinda nahi rah paayegi. Uski kahani ek heartbreaking true crime story ban gayi jo dahej pratha aur gharelu hinsa ke dark side ko expose karti hai.

Sachchaai Ka Kadwa Sach: Sapno Se Narak Tak Ka Safar

Neha Ka Bachpan aur Sikhism Ki Taraf Jhukav

Iss saare incident ki shuruat hoti hai Rupnagar, Anandpur Sahib se, jahan Neha Jhinjri apni family ke saath rehti thi. Neha bachpan se hi bahut zyada intelligent aur fun-loving bacchi thi. Aisi ladki jisko ek gaon mein har koi apni beti samajhta tha aur har koi usko apni beti ki tarah pyar karte the.

Issi tarah se Neha ka bachpan dheere-dheere hasi khushi badh raha tha, aur family bhi tabhi khush rah paate the jab Neha unke saath hoti thi. Neha waise ek Hindu family se thi, lekin jaise hi woh 18 saal ki hoti hai, usko Sikhism mein bahut zyada interest hota tha. Isliye 18 ki hote hi woh Sikhism ke baare mein explore karne lagi. Aur kitna zyada woh explore kar rahi thi, woh Sikhism ke aur zyada fascinate ho rahi thi Sikhism ko join karne ke liye. Yeh hi iccha woh apni family ko batati hai. Starting mein family ne Neha ko iske liye mana kar diya. Magar jaise-jaise din bitate gaye aur woh log Neha ko dekhte hain ki Sikhism ko leke woh kitni serious hai, family ne usko allow kar diya aur usko support kiya conversion mein. Iske baad usne Amrit ghraran kiya (Sikhism ko officially join karne ka procedure), aur phir Neha ek Amritdhari ho jaati hai.

Shaadi Ka Sapna Aur Sanjeev Kumar Se Rishta

Jaise hi Neha ki age 23 saal hoti hai, uske parents uske liye ladka dhundna shuru kar dete hain. Neha aajkal ke zamane se bilkul different thi. Aajkal zyada tar youngsters apni pasand se shaadi karna chahte hain. Neha ekdum alag thi, woh apne maa-papa ke kahe anusaar hi chalna chahti thi. Jaisa uske parents ko acha lagta tha, waise hi woh shaadi karne ke liye ready ho jaati hai.

Jiske baad unko Himachal Pradesh ke district Solan ke Nalagarh ke Rampur ki ek family ke baare mein pata chalta hai. Iss family mein ek beta tha, uska naam tha Sanjeev Kumar. Neha ki family ko jaise hi Sanjeev ke baare mein pata chala, waise hi woh iss rishtey ke liye tyaar ho jaate hain. Kyunki Sanjeev ek government job karta tha, woh Army mein Officer Rank pe tha. Aur issi ke chalte family ne bilkul bhi deri nahi ki. Neha ki family ne bina der kiye Sanjeev ki family se connect kiya iss rishtey ke liye. Har ladki ki tarah Neha apni shaadi ko leke bahut hi zyada khush thi. Uske bahut saare plans the, bahut saare dreams the ki woh shaadi kaise karegi. In fact, Neha ne shaadi ke baad ek bahut hi achi life ke sapne dekhna shuru kar diya tha, jo aap uske Instagram account par bhi dekh sakte hain. Shaadi wali raat Neha bahut hi zyada khush thi, yeh uski reels mein saaf dikh raha hai. Reels mein usko dekh kar hi pata chal raha hai ki yeh ladki kitni innocent thi.

Neha nahi jaanti thi ki shaadi ke thode time baad hi usse pata chal jayega ki sapno mein aur asliyat mein kitna fark hota hai.

Dahej Ka Darakh aur Zindagi Ka Narak

Jaisa uske parents ne plan kiya tha, waise hi November 2024 mein Sanjeev aur Neha ki shaadi ho jaati hai. Shaadi ke ek week baad tak waisa hi nikalta hai jaisa Neha ne socha tha. Aur kyunki uske saare sapne sach ho rahe the, woh bahut hi zyada khush thi.

Magar jaise hi ek hafta nikalta hai, Neha ke in-laws usse ghar ka bahut kaam karwane lage. Unhone apna asli roop dikhna shuru kar diya. Neha se itna kaam karate the jo ek normal aurat bhi apne ghar pe nahi karti hai. Kuch kaam aise bhi jo ek aurat ke na ho, woh bhi Neha se karate the. Poora din usko woh kitchen mein hi rakhte the. Aur agar woh kitchen se thodi der ke liye bhi free dikh jaaye, toh aisa kaam karne ko dena jo Neha ke liye suitable nahi ho. Yeh sab jaan kar aap sab bilkul sahi hi samajh rahe hain, yeh sab sirf ek cheez ke liye ho raha tha: dowry (dahej) ke liye.

Shuruaati dino mein Neha ne sab apne tak hi rakha, jaise kuch hua hi nahi hai. Woh nahi chahti thi ki apne parents ko involve kare, woh bhi shaadi ke ek hafte baad hi. Kyunki woh yeh nahi chahti thi ki uske husband Sanjeev ko koi bhi judge kare, kyunki abhi tak Sanjeev in sab mein involve nahi tha.

Lekin kuch din aur beet gaye, aur yeh sab bahut zyada badhne lag gaya. Neha ki himmat ne jawab de diya, toh usne thak haar ke apni maa se yeh sab discuss kiya. Maa ko sab kuch bataya. Neha ki maa saari baat jaan ne ke baad apni beti ke liye koi decision lena chahiye tha. Magar unhone bhi Neha ko hi samjhaya, jaise har maa apni hi bacchi ko samjhati hai: “Tum thoda adjust karna seekho, nayi family hai, kahin baar thoda time lagta hai naye ghar mein jaake adjust hone mein, ghar mein sabko samjhne mein time lagta hai, thoda time do sab sahi ho jayega.” Sabse badi problem yahaan yeh thi ki Neha ki mother, jinko uski pareshani ko samjhna chahiye tha, woh ulta Neha ko samjhana shuru kar deti hain.

Apni Maa se baat karne ke baad Neha ko bhi lagta hai ki shayad shaadi ke baad cheezein aise hi hua karti hain, aur time dene se shayad situation thodi better ho jaaye. Magar yeh Neha ki family ki bahut badi galatfahami thi.

Neha abhi tak samajh nahi paayi thi uske saath jo susral wale kar rahe hain, uske peechhe aakhir karan kya hai. Lekin ek mahina hi hua tha shaadi ko, Neha ko yeh clear ho gaya. Jab Neha ki saas ne usko taunt marna shuru kar diya, aur woh usse dahej chahti thi. Woh usse ek car, gold chain aur thoda cash demand kar rahi thi. Neha ne jaise hi yeh suna, woh bahut hi zyada tut gayi thi. Kyunki usne kabhi apne in-laws se in sab ki umeed hi nahi ki thi.

Neha ne apne in-laws ko bataya ki uske father ki itni haisiyat hi nahi hai ki woh yeh sab afford kar sake aur unko de sake. Magar Neha ke in-laws ko koi fark nahi pada. Sab situation Neha ke haath se bahar ho gayi thi, jab uski sahan shakti ne jawab de diya tha, tab Neha ke paas ek solution tha ki shayad agar woh Sanjeev ko yeh sab bata de. Usko poora vishwas tha ki Sanjeev uski baat samjhega aur uski help karega.

Pati Ka Dhokha Aur Zulm Ki Inteha

Jaise hi Neha Sanjeev se yeh sab share karti hai, toh Neha ka saath dene ki jagah woh apne parents ka saath deta hai. In fact, Sanjeev bhi usse alag alag cheezo ki demand karna shuru kar deta hai.

In sab mein ek mahina aur beet jaata hai. Jab in teeno ko yeh lagta hai ki isse Neha par koi asar nahi ho raha, toh usko maarna peetna shuru kar dete hain. Sabse zyada Sanjeev, jisse woh pyar karti thi aur bharosa karti thi, woh hi usse sabse zyada maarta tha. Marte hue woh Neha ko yeh bolta tha ki woh kitchen mein hi rahe aur jab bhi woh ghar aata hai, toh bilkul fresh khana bana ke de, chahe raat ke 2 baje ho ya subah 4 baje ho. Woh jab ghar mein enter ho, toh Neha usse kitchen mein dikhni chahiye, chahe time kuch bhi ho. Yeh sochne wali baat hai ki kya aurat ki life sirf kitchen tak hi simit hai?

Neha ne ab isko apni kismat maan kar apana liya tha. Woh apne pati aur saas-sasur ke saath aise hi rahne lagi. Poore din sunti rehti thi, kaam karti thi, pitai khati thi aur phir thak ke jaise hi thodi der free hoti toh so jaati thi. Ab thak haar ke usne apni maa se bhi complain karna chhod diya tha kyunki uski maa hamesha usse hi samjhati thi aur adjust karke rahne ko bolti thi. Kyunki Neha ne apni maa se apna dukh batana band kar diya tha, toh unko lag raha tha ki ab sab sahi ho gaya, woh ab wahaan khush hai. Magar Neha ne apni shamtaa se zyada bardaast kar liya tha, aur yeh sabko publically pata chalne wali thi.

Maut Ki Khabar Aur Insaf Ki Ladai

19 April 2025, raat lagbhag 8:45 ke around Neha ke parents ko ek call aati hai, jo ki Neha ke susral ki taraf se thi. Uss call par susral ki taraf se koi baat nahi kar raha tha, woh Neha ke in-laws ka padosi tha, jo unko batata hai ki Neha ki tabiyat bahut hi zyada kharab hai. Aap log jaldi se jaldi yahaan Nalagarh aa jaaiye.

Neha ki family jaise hi yeh sunti hai, sidha Neha ke susral ke liye nikal jaate hain. Raat ko hi woh sab wahaan pahunch jaate hain. Aur wahaan pahunch kar jo woh wahaan dekhte hain, woh bahut hi darawana tha aur woh ek family itni bekaar kaise ho sakti, uska example tha. Jaise hi woh wahaan pahunchte hain, woh dekhte hain ki Neha apne room mein unconscious padi thi. Woh bahut hi buri halat mein lag rahi thi. Aur uske susral ka koi bhi member uske aas-pass nahi tha. Woh sab dusre room mein baithe hue the jaise ki kuch hua hi nahi tha.

Neha ko aisi halat mein dekh uski family usko Rupnagar ke hi ek hospital mein le gaye, sharm ke karan Sanjeev bhi unke saath jaata hai. Jaise hi hospital mein pahunchte hain, toh Neha ko primary treatment diya jaata hai aur uske baad usse PGI Chandigarh refer kara jaata hai. Sanjeev jo unke saath aaya woh Chandigarh jaane se mana kar deta hai aur apna palla jhaad deta hai. Woh apne ghar wapis chale jaata hai. Neha unki beti thi isliye unhone uska saath nahi chhoda. Woh usko ussi waqt PGI Chandigarh le jaate hain. Chandigarh pahunchte pahunchte unko subah ho jaati hai.

20 April ki subah woh Neha ko PGI mein admit kara dete hain. Jiske baad jaise hi doctor uska treatment shuru karte hain, thodi der mein woh Neha ki family ko bahut hi bhayanak baat batate hain. Woh Neha ko bachane ki poori koshish karenge magar surety nahi de sakte, kyunki Neha ne bahut zyada poison kha liya hai. Uske karan uska bach pana mushkil hai.

Yeh sunte hi Neha ki family uske susral walo par aarop lagana shuru kar deti hai. Woh bina deri kiye Solan police station jaate hain iss case ke liye FIR karwane. Yeh complain toh Solan police station mein ho chuki thi, magar jab police yeh dekhti hai ki is case mein abhi tak koi casualty nahi hui, toh police iss mamle ko rafa dafa karne ki koshish karti hai. Kyunki unko uss time woh hi sahi lagta hai. Kya yeh sahi tha? Kya complain par koi strict action nahi lena chahiye tha? Dusri taraf bechari Neha apne death bed par thi, jahaan uske susral se koi nahi tha uske paas. Husband tak nahi tha uske saath. Yeh mamla yahaan par hi khatam kar diya tha bina koi action liye.

Neha 5 din ussi bed par jo ki narak tha, us par survive karti hai. 25 April ko Neha ke pariwar ko bahut hi buri khabar milti hai, unko bataya jaata hai ki Neha ne dam tod diya. Woh ab iss duniya mein nahi rahi. Neha ki family ko jaise hi pata chala ki ab Neha unke beech nahi rahi, woh sab tut gaye. Unki family se sabse khush rahne wala bacha ab nahi raha tha, aur ismein uski koi galti bhi nahi thi.

Lekin Neha ki maut ke liye uske maa-baap khud bhi zimeydar maan rahe the. Kyunki jab tak woh zinda thi, tab woh usko samjhne ki jagah usko samjhte the, hamesha usko adjust karne ko bolte the. Ab jab uski jaan chali gayi, toh unhone strikes karna shuru kar diya tha. Yeh sab unko tab karna chahiye tha jab Neha iss duniya mein thi.

Postmortem Report Ne Kaha Sach

Jab Neha ki maut ki khabar Anandpur Sahib mein pahunchti hai, toh Anandpur Sahib mein rahne wala har ek insaan bahut zyada dukhi hota hai aur saath hi bahut hi zyada gusse mein hota hai. Jab unhein yeh pata chalta hai ki dahej ki wajah se unke gaon ki ek bacchi ki jaan chali gayi hai, toh woh sab bahut gusse mein aa jaate hain. Neha ki family ka yeh hi bolna tha ki jis tarah se unhone Neha ko pareshan kiya tha, woh hi reason tha ki Neha ne apni jaan li.

Kya koi sach abhi bhi chupa hua tha? Kya koi sach tha jo har ek insaan ko pata hona chahiye tha? Jab Neha ki family dekhti hai ki unko koi solution nahi mil raha, toh woh higher authorities ke paas jaate hain aur Neha ki body ko PGI ke bahar hi rakh ke wahaan abhi bhi strike karna shuru kar dete hain. Un sab ne decide kar liya tha ki woh sab wahaan se nahi hilenge jab tak unko insaaf nahi milta.

Solan police wahaan par aati hai, aur phir Sanjeev aur uski family ke against ek FIR karte hain aur unko arrest bhi karti hai (Sanjeev, uske parents aur ek relative ko). Neha ki do nandein bhi thi jinko police ne dhundna shuru kar diya tha, abhi tak woh dono mili nahi hain.

Police ne in charo ko arrest kar liya tha, lekin yahaan par aapko ek example aur dikhne wala hai ki yeh family kitna neeche girne wali thi. Sanjeev aur uski family yeh batate hain ki shaadi ke baad aksar choti moti ladai in dono ke beech hoti rehti thi. Magar 19 April ko jo ladai hui thi, woh thodi si zyada ho gayi thi aur iska solution nahi ho raha tha, jiske chalte Neha ne khud hi poison kha liya tha. Lekin yeh bhi batati hai ki Neha ki jo mental health thi woh bhi thik nahi thi. Woh mentally stable nahi thi. Issi ke chalte Neha ne aisa step liya, in fact, woh marne ki bahut baar koshish kar chuki thi, aur har baar usko uske susral walo ne bacha liya. 19 April ko aisa nahi ho paaya. Magar abhi bhi asli sach samne aana baaki tha.

Jab Neha ki postmortem report aati hai, toh yeh clear ho jaata hai ki saara matter tha kya. Neha ki postmortem reports mein yeh clear tha ki uski body mein half bottle zeher tha, jo ki bahut zyada tha jiske karan uski jaan nahi bacha paaye. Aur dusri baat, Neha ki body par bahut saare nishan the, uske neck par, haatho par aur uske muh par aur baaju par the. Yeh saare marks yeh bata rahe the ki Neha ne jo zeher khaya tha, woh usne khud nahi khaya tha, balki forcefully usko khilaya gaya tha.

Asliyat mein Neha ne suicide nahi kiya tha, usko maara gaya tha. Jaise hi Neha ki family ko yeh pata chalta hai, woh bhi bahut zyada clear ismein. Aur sab police ka peechha nahi chhod rahe the. Woh apni strike par baithe hue the. Yeh dekh Solan police ki higher authorities unse phir se milti hai aur yakeen dilati hai ki woh iss case mein acche se investigation karegi aur 4 log unhone arrest kiye hain, unko release nahi karegi. Aur dono behene missing hain, unko bhi jaldi se dhundh ke arrest karenge.

Sabko yeh matter clear tha magar Sanjeev ki family yeh banane ke liye tyaar nahi hai ki unka Neha ki maut mein koi haath hai. Abhi yeh case court mein chalega. Jaise hi koi update hai important, toh hum usko aapke saath zaroor share karenge hamare WhatsApp channel aur dusre social media channels se.

FAQs (Frequently Asked Questions)

Q1: Neha Jhinjri kaun thi aur unki maut kaise hui?
A1: Neha Jhinjri ek young married woman thi jo Anandpur Sahib se thi. Unki maut dahej aur gharelu hinsa ke chalte hui. Postmortem report ne confirm kiya ki unhein zabardasti zeher diya gaya tha.

Q2: Iss case mein Neha ke pati Sanjeev Kumar ka kya role hai?
A2: Sanjeev Kumar Neha ke pati the aur unpar Neha ko dahej ke liye pareshan karne aur uski maut mein shamil hone ka aarop hai. Unhein unke parents aur ek relative ke saath police ne arrest kar liya hai.

Q3: Neha ki family ne insaaf ke liye kya kadam uthaye?
A3: Neha ki maut ke baad, unki family ne PGI Chandigarh ke bahar dharna diya aur Solan police station mein FIR गजी karwai. Unhone higher authorities se bhi contact kiya insaaf ke liye.

Q4: Dahej pratha ko rokne ke liye hum kya kar sakte hain?
A4: Dahej pratha ek samajik burai hai. Ise rokne ke liye shiksha, awareness campaigns, aur kanooni karwahi ko support karna zaroori hai. Aisi ghatnaon ki report karna aur victim ko support dena bahut mahatvapurn hai.